“Xankəndi” futbol klubunun şəhər stadionunda təmir işlərinin bu ayın sonuna qədər tamamlanması planlaşdırılır.
Klubun mətbuat xidmətindən Yurd.Media-ya bildirilib ki, hazırda Xankəndi şəhər stadionunda təmir işləri davam etdirilir. Təmir işlərinin bu ayın sonunadək başa çatdırılması planlaşdırılır.
Təmir işləri yekunlaşdıqdan sonra Xankəndi şəhər stadionunun rəsmi açılış mərasiminin keçirilməsi nəzərdə tutulur.
Klubun Xankəndidə ilk ev oyununun tarixi isə stadionun rəsmi açılış qrafikinə uyğun olaraq müəyyənləşdiriləcək.
