Azərbaycan millisi dünya çempionatına heç-heçə ilə start verib

Azərbaycanın minifutbol üzrə millisi dünya çempionatında ilk oyununu keçirib.

Yurd.Media xəbər verir ki, A qrupunda yer alan yığma Milli Gimnastika Arenasında Bəhreyn yığması ilə qarşılaşıb.

Görüşdə qalib müəyyənləşməyib, tərəflər hərəyə 1 dəfə fərqləniblər.

Azərbaycan millisinin heyətində Mirmehdi Rzayev (15 dəqiqə) fərqlənib. Rəqibin qolunu isə Ahmed Antar (25 dəqiqə) vurub.

Qeyd edək ki, qrupun digər görüşündə Mavritaniya və Sloveniya kollektivləri üz-üzə gələcəklər.