Azərbaycan Premyer Liqasının 34-cü turunda “Zirə” səfərdə “Səbail”i minimal hesabla məğlub edib.
Yurd.Media xəbər verir ki, yeganə qolu 90+1-ci dəqiqədə Davit Volkov vurub.
Bu nəticədən sonra xallarının sayını 70-ə yüksəldən Rəşad Sadıqovun baş məşqçisi olduğu komanda ikinci pillədə qərarlaşıb. Hazırda 22 xalla turnir cədvəlinin sonuncu - 10-cu pilləsində olan “Səbail”in isə I Liqaya düşdüyü dəqiqləşib.
Qeyd edək ki, turun ötən gün baş tutan “Sabah” - “Şamaxı” matçında meydan sahibləri 3:1 hesablı qələbə qazanıb.
