Qubanın İspik kəndində yağış mövsümü özü ilə növbəti çətinlikləri gətirdi.
Yurd.Media xəbər verir ki, güclü yağıntılardan sonra daşan kənd çayı sakinlər üçün keçilməz vəziyyətə gəlib.
Hazırda kənddə gediş-gəliş tamamilə iflic olub.
Sakinlərin sözlərinə görə, çay coşanda kəndin rayon mərkəzi ilə əlaqəsi kəsilir, işə, məktəbə və ya xəstəxanaya getmək müşkülə çevrilir.
Sakinlər aidiyyəti qurumların müdaxilə edəcəyinbi və bu çay üzərində nəhayət ki, müasir bir körpünün salınacağına ümid edirlər. Əks halda, İspiklilər hər yağışda çayın kənarında durub suların çəkilməsini gözləməyə məcbur olacaqlar.
