Salyan rayonunda qatar "Mercedes-Benz" markalı minik avtomobilini sürüyüb.
Yurd.Media xəbər verir ki, rayonun Arbatan kəndi ərazisində qatar yoluna çıxan avtomobildə nasazlıq yaranıb. Bunu başa düşən sürücü dərhal avtomobili tərk edib. Yaxınlaşan qatar isə maşını 100 metrə qədər sürüyüb.
"Azərbaycan Dəmir Yolları" (ADY) QSC-dən bildirilib ki, bu gün səhər saatlarında "Mercedes" markalı minik avtomobilinin sürücüsünün dəmiryol keçidi ilə bağlı qaydaları pozması nəticəsində idarə etdiyi avtomobil Salyan-Salmanlı sahəsində hərəkətdə olan lokomotivin qarşısına çıxıb:
"Maşinist təcili tormozlama aparsa da, məsafə az olduğundan toqquşma qaçılmaz olub. Hadisə nəticəsində lokomotivə zərər dəyib.
