İmişlidə ağır yol qəzası olub.
Yurd.Media-nın məlumatına görə, hadisə İmişli-Kürdəmir avtomobil yolunun İmişli rayonunun Allahmədədli kəndi ərazisindən keçən hissəsində qeydə alınıb.
Belə ki, hərəkətdə olan “KİA” markalı avtomobil “DAF” markalı yük maşını ilə toqquşub. Qəza nəticəsində, Füzuli rayon sakinləri - 1988-ci il təvəllüdlü Həsən Həsənov və 1980-ci il təvəllüdlü Gülrəng Əliyeva hadisə yerində ölüb. Xəsarət alan 1981-ci il təvəllüdlü Mənsur Rzayev isə xəstəxanaya yerəşdirilib.
Faktla bağlı araşdırma aparılır.
