"BakuBus" avtobusunda YANĞIN - Sərnişinlər təxliyyə olundu

Bugün səhər saatlarında Bakıda "BakuBus" avtobusunda yanğın qeydə alınıb.

Yurd.Media xəbər verir ki, yanğın İnşaatçılar prospektində, Dövlət Statistika Komitəsinin yaxınlığındakı dayanacaqda qeydə alınıb.

"BakuBus" MMC-yə məxsus 99-JU-824 dövlət nömrə nişanlı avtobus alışıb. 

Sosial şəbəkələrdə məlumat yazan hadisə şahidləri sərnişinlərin avtobusdan düşürüldüyünü qeyd edirlər.

Hadisənin hansı səbəbdən baş verməsi məlum deyil.

Faktla bağlı aidiyyəti quruma sorğu ünvanlanıb.