İşğaldan azad olunan Laçın rayonu günü-gündən gözəlləşir, abadlaşır. Füsunkar təbiəti olan bu bölgəyə üz tutan turistlərin sayı da durmadan artır. Amma bəzi ərazilərdə və istirahət məkanlarında hərdən xoşagəlməz hallar müşahidə olunur.
Yurd.Media Baku TV-yə istinadən xəbər verir ki, məişət tullantıları ətrafa atılaraq təbiət çirkləndirilir.
"Sonuncu dəfə Laçında 45 il əvvəl oluşam. İndi gəlib bu gözəlliklərə baxıram. Laçında müsbətə doğru çox dəyişikliklər var. İnsanlara tövsiyəm odur ki, buranı təmiz saxlasınlar. Bu torpaqlar uğrunda o qədər şəhidlər qan töküb. Bu abadlığı, gözəlliyi biz qorumasaq, kim qoruyacaq?", - turist Elşən İsmayılov söyləyib.
