Sabirabad şəhəri 20 yanvar küçəsində əhali kanalizasiya suyuna görə problem yaşayır. Güclü yağışlardan sonra kanalizasiya xətlərinin tutulması çirkab suların ətrafa axmasına səbəb olub.
Yurd.Media xəbər verir ki, bu küçədə bir aydan çoxdur vəziyyət belədir.
"Xəzər TV"yə şikayət edən sakinlər bildirir ki, üfunət iyindən əziyyət çəkirlər.
Sabirabad Su Meliorasiya Sistemlərinin İstismarı idarəsindən bildirildi ki, problemdən xəbərdardırlar, hazırda ərazidə əsas daşıyıcı xətlərin təmizlənərək açılması işləri aparılır:
"İşlər yekunlaşan kimi 20 yanvar küçəsinin kanalizasiya xətləri də təmizlənərək əsas xəttə birləşdiriləcək".
