"Gəncə darvazalarının köhnə yeri Gəncə çayının içərisindədir".
Yurd.Media xəbər verir ki, bu fikirləri tarixçi Bəxtiyar Məhərrəmov Gəncənin əzəmətli qala qapıları barədə Baku TV-yə açıqlamasında bildirib.
"Qala divarları elə tikilmişdi ki, çay oradan keçərək təbii müdafiə sistemi əmələ gətirirdi. Gəncə darvazalarının tarixi 1139-cu ildən başlayır. Şəhərdə zəlzələ baş verir. Bundan istifadə edən gürcü çarı I Demetri Gəncəyə hücum edir, əhali qarət edilir, eləcə də əsir götürülür. Eyni zamanda, Gəncə darvazalarından biri aparılır", - deyə o əlavə edib.
Tarixçi qeyd edib ki, həmin darvazanın bir hissəsi Gelati monastırının təmirində istifadə edilir, qalanı isə indiyə qədər saxlanılır.
