İmişlidə qeyri-sabit hava şəraiti əkini gecikdirib.
Yurd.Media xəbər verir ki, fermerlər yenidən əkinə getməyə məcbur olublar.
"AZTV Xəbər"-ə danışan fermerlər havaların soyuq olmasının işlərinə maneə törətdiyini bildiriblər.
"Aprel ayının sonu səpini yekunlaşdırmalı idik, amma mayın sonudur hələ də davam edirik. Havaların soyuq keçməsi bizə həddindən artıq ziyan vurub".
Təkrar əkin aparan fermerlərin xərci daha çox artıb. Yağış pambıq sahələrində alaq otlarını da çoxaldıb və bununla mübarizə aparmaq çətinləşib.
Mütəxəssilər bildiriblər ki, bəzi ərazilərdə təkrar əkin aparılması pambıq yığımının gecikəcəyini göstərir. Prosesin payızın sonuna kimi davam edə biləcəyini və fermerlərin yeni çətinliklərlə üzləşmə ehtimalının yüksək olduğunu vurğulayıblar.
