Azərbaycanda körpələr evinin işçilərinin maaşlarına artım olunacaq.
Yurd.Media xəbər verir ki, Nazirlər Kabineti büdcədən maliyyələşdirilən səhiyyə işçilərinin əməyinin ödənilməsi sistemi ilə bağlı dəyişiklik edib.
Bu barədə Baş nazir Əli Əsədov qərar imzalayıb.
Dəyişikliyə əsasən, büdcədən maliyyələşdirilən səhiyyə müəssisələrinin əməkhaqqı sisteminə yeni yarımbənd əlavə olunub.
Yeni qaydaya görə, Azərbaycan Respublikası Səhiyyə Nazirliyinin tabeliyində olan körpələr evinin işçilərinin Vahid Tarif Cədvəli (VTC) ilə müəyyən edilmiş tarif (vəzifə) maaşlarına artım əmsalları tətbiq ediləcək.
İşçilərin vəzifə maaşlarına Nazirlər Kabineti tərəfindən müəyyən edilən qaydada 1,5-dən 3 dəfəyədək artım əmsalları əlavə olunacaq.
