İçməli su üçün konkret müəyyən edilmiş norma mövcud deyil, amma maye qəbulu ilə əlaqədar müəyyən normalar təyin olunub.
Yurd.Media xəbər verir ki, bu məlumatı diyetoloq və endokrinoloq Albina Komissarova açıqlayıb.
Mütəxəssisin fikrincə, metabolizmi sürətləndirmək məqsədilə hər səhər limonlu su içməyə ehtiyac yoxdur.
Diyetoloq qeyd edib ki, maddələr mübadiləsi orqanizmdə müstəqil şəkildə fəaliyyət göstərir.
Bundan başqa, şorba yeməməyin xora və qastritə yol açacağı barəsində geniş yayılmış bir mif mövcuddur.
Şorba qəbul etmək qastrit və ya xoranın qarşısını almır. Eyni zamanda, quru qida qəbulu bu xəstəliklərə səbəb olmur.
Psixiatr İqor Novitski isə bildirib ki, alkoqolun faydalı və şəfaverici xassələrə malik olduğu yönündə fikir var, lakin bu tamamilə yanlış təsəvvürdür.
Onun sözlərinə əsasən, insanda alkoqola qarşı asılılığın yaranmadığı və istənilən miqdarda içki qəbul edə biləcəyi barədə yanlış inanc da mövcuddur.
