2026-cı ildə Azərbaycanda onkoloji xəstəliyə tutulmuş şəxslərin müalicəsinin və reabilitasiyasının həyata keçirilməsi, dərman preparatlarına olan tələbatın ödənilməsi və bu sahənin maddi-texniki bazasının gücləndirilməsi məqsədilə dövlət büdcəsindən 65,6 milyon manat vəsait ayrılması nəzərdə tutulur.
Yurd.Media xəbər verir ki, bu barədə “2026-cı il dövlət büdcəsi haqqında” qanun layihəsində bildirilir.
Sənədə əsasən, bu, 2025-ci ilin təsdiq olunmuş proqnozu ilə müqayisədə 8,6% çoxdur.
Ayrılacaq vəsaitin 64,1 milyon manatı Milli Onkologiya Mərkəzi, 1,5 milyon manatı isə Azərbaycan Tibb Universitetinin Onkoloji Klinikası üçündür.
