Cəlilabad rayonu Muğan bələdiyyəsi yay aylarında görülmüş bəzi işlərin görüntülərini sosial media hesablarında paylaşaraq kənddaxili yollarda təmir işinin aparılması görüntüsü yaradır.
Yurd.Media xəbər verir ki, bələdiyyə öz hesabında yollara daş çınqıl tökülməsi ilə bağlı foto və videolar paylaşıb. Görüntülərdə kənd sakinləri və bələdiyyə rəsmilərinin geyimindən çəkilişin yay aylarında aparıldığı görünür.
Buna baxmayaraq qurum materialları "Muğan bələdiyyəsi Muğan, Maşlıq, Söyüdlü, Kazımabad kəndlərində kənddaxili yolların təmir işini aparmaqda davam edir" başlığı ilə təqdim edir.
