Azərbaycan Premyer Liqasının 34-cü turunda bu gün daha iki oyun keçiriləcək.
Yurd.Media xəbər verir ki, saat 17:00-da “Səbail” - “Zirə” oyunu başlayacaq
“Səbail” hazırda 22 xalla turnir cədvəlinin sonuncu - 10-cu pilləsindədir. Mövsümü ikinci pillədə bitirəcəyi dəqiqləşən “Zirə”nin isə 67 xalı var.
Günün ikinci oyununda Tovuzda “Turan Tovuz” “Neftçi” ilə qarşılaşacaq. Oyuna saat 19:30-da start veriləcək.
Tovuz təmsilçisi hazırda 49 xalla dördüncü yerdədir. 37 xala malik “Neftçi” isə beşincidir.
Qeyd edək ki, 34-cü turun ilk oyununda dünən "Sabah" "Şamaxı"nı 3:1 hesabı ilə məğlub edib.
