Fotoreportaj əlavə olunub
Fotolar: Sadıq Əliverdibəyli
***12:06
Azərbaycan Silahlı Qüvvələrinin yaranmasının 107-ci ildönümü münasibətilə Bakıda hərbi orkestrlərin müşayiəti ilə yürüşlər keçirilib.
Yurd.Media xəbər verir ki, hərbçilərin beş marşrut üzrə yürüşləri saat 12:00-dək davam edib.
Yürüş boyunca vətəndaşlar marşrut boyu toplanaraq tədbiri izləyib, iştirakçılara alqışlarla dəstək göstəriblər. Təhlükəsizliyin qorunması məqsədilə yürüşü hərbi polis, yol-patrul və post-patrul xidmətləri əməkdaşları piyada və xidməti avtomobillərlə müşayət edib.
Sakinlər bu cür tədbirlərin həm vətənpərvərlik ruhunu yüksəltdiyini, həm də gənclər üçün nümunəvi olduğunu bildiriblər.
***10:45
Hazırda paytaxt Bakının müxtəlif mərkəzi küçə və prospektlərində hərbi orkestrlərin müşayiəti ilə hərbi qulluqçuların yürüşü keçirilir.
Yurd.Media xəbər verir ki, Bakıdakı beş marşrut üzrə yürüşlər saat 12:00-dək davam edəcək.
Bakıda Heydər Əliyev sarayı - Bülbül prospekti - Nizami Kino Mərkəzi - Neftçilər prospekti - Azadlıq meydanı – “AMAY” ticarət mərkəzi, Şəhidlər Xiyabanı – “Alov Qüllələri” Kompleksi – “İçərişəhər” metrostansiyası - Qala qapısı - Azərbaycan Dövlət Kukla teatrı - Azneft dairəsi - Bəhram Gur heykəli, Qəzənfər Musabəyov parkı - Əbdürrəhim bəy Haqverdiyev küçəsi - Hüseyn Cavid prospekti - Hüseyn Cavid parkı - Parlament prospekti - Şəhidlər Xiyabanı, “Olimpik Star” İdman və Əyləncə Mərkəzi - Səməd Vurğun küçəsi - Zabitlər parkı - Bakı Dövlət Sirki - Heydər Əliyev Sarayı - İmadəddin Nəsimi heykəli - Neftçilər prospekti, Nəriman Nərimanov heykəli - Mərkəzi park - Azərbaycan Dövlət Akademik Milli Dram Teatrı - Qış parkı - Heydər Əliyev sarayı - Azərbaycan Respublikasının Mərkəzi Bankı - 28 Mall Ticarət Mərkəzi marşrutları üzrə şəxsi heyətin yürüşləri təşkil edilir.
Bununla yanaşı, Gəncə şəhərində Nizami Gəncəvi küçəsi (Bayraq meydanının qarşısı) - Heydər Əliyev küçəsi - Sabir küçəsi - Atatürk küçəsi marşrutu üzrə, Xankəndi və Laçın şəhərlərinin isə mərkəzi küçə və prospektlərində yürüşlər keçirilir.
