Azərbaycanda 9 mindən çox ailə dövlətdən kirayəyə mənzil götürüb

Bu günə qədər Azərbaycanda satmaq öhdəliyi ilə kirayə mənzil mexanizmi çərçivəsində 9 077 müqavilə bağlanılıb.

Bu barədə Yurd.Media-ya İpoteka və Kredit Zəmanət Fondundan bildirilib.

Məlumata görə, bunun 2 820-si ötən ilin payına düşüb.

Dövlət xətti ilə kirayəyə verilən mənzillər Bakı, Abşeron və Sumqayıtda yerləşir.

Müraciətlərin qəbulu və mənzil seçimi Elektron hökumət portalına (e-gov.az) inteqrasiya edilmiş Elektron ipoteka və kredit zəmanət sistemi üzərindən həyata keçirilir.