"Azərbaycan Sənaye Bankı" ASC (ASB) bu ilin I rübünün yekunları ilə bağlı maliyyə göstəricilərini açıqlayıb.
Yurd.Media xəbər verir ki, bank yanvar-mart aylarında 1,7 milyon manat xalis mənfəət əldə edib.
Bu, ötən ilin eyni dövrü ilə müqayisədə 1% azdır.
Bu il aprelin əvvəlinə ASB-nin aktivləri ötən il aprelin əvvəlinə nisbətən 11,4% çox - 886,4 milyon manat, o cümlədən xalis kredit portfeli 24,9% çox – 375,35 milyon manat təşkil edib. Bankın öhdəlikləri 756,1 milyon manat (12,3% çox), o cümlədən depozit portfeli 520,5 milyon manat (7,7% çox), balans kapitalı isə 130,3 milyon manat (6,2% çox), o cümlədən nizamnamə kapitalı 60 milyon manat (dəyişməyib) olub.
