Noyabrın 3-4-də ABŞ-ın Kaliforniya ştatındakı Napa Vadisində beynəlxalq texnologiya konfransı keçiriləcək.
Yurd.Media xəbər verir ki, tədbirin təşkilatçısı ABŞ-ın “Dow Jones” maliyyə xəbərləri agentliyinə məxsus olan, bütün dünyada işgüzar dairələrin maraqla izlədiyi “The Wall Street Journal” (WSJ) nəşridir.
Konfrans jurnalın texnologiya yönümlü platforması sayılan “WSJ Tech”in media dəstəyinə malik olacaq. Bu platforma dünyanın ən böyük texnologiya liderlərini, investorları, startap təsisçilərini və dövlət rəsmilərini bir araya gətirən mötəbər konfranslar təşkil edir.
