“Xalq Sığorta” ASC-də yeni təyinat baş tutub.
Yurd.Media-nın əldə etdiyi məlumata görə, Seymur İsmayıllı “Xalq Sığorta”da Strateji müştərilər şöbəsinin rəhbəri vəzifəsinə təyin olunub.
O, yeni təyinatından əvvəl 2025-ci ilin iyulundan 2026-cı ilin iyun ayınadək “Xalq Sığorta”da Satışa dəstək şöbəsinin rəhbəri, 2024-cü ilin iyulundan 2025-ci ilin iyun ayınadək isə Agentlər və filiallar şöbəsinin rəhbəri vəzifələrini tutub.
O, 2022-ci ilin sentyabrından “MedAssist” şirkətində baş menecer vəzifəsində də fəaliyyət göstərir.
Seymur İsmayıllı 2021-ci ilin mayından 2022-ci ilin oktyabrınadək “Acıbadem Healthcare Group”da ölkə nümayəndəsi, 2019–2021-ci illərdə isə “Intermak Group” şirkətində Satış departamentinin direktoru olub.
Bundan əlavə, o, 2007-ci ilin oktyabrından biznes məsləhətçisi kimi fəaliyyət göstərir. Bu çərçivədə Azərbaycan və İndoneziya sahibkarları arasında əməkdaşlığın qurulması, biznes forumlarının təşkili və ticarət əlaqələrinin inkişafı ilə məşğul olub.
Seymur İsmayıllı
