"Bank VTB Azərbaycan" ASC bu ilin I rübünün yekunları ilə bağlı maliyyə göstəricilərini açıqlayıb.
Yurd.Media xəbər verir ki, bank yanvar-mart aylarında 1,7 milyon manat xalis mənfəət əldə edib. Bu, ötən ilin eyni dövrü ilə müqayisədə təxminən 2 dəfə azdır.
Bu il aprelin əvvəlinə "Bank VTB Azərbaycan"ın aktivləri ötən il aprelin əvvəlinə nisbətən 7,1% az - 324 milyon manat, o cümlədən xalis kredit portfeli 6,6% çox - 220,6 milyon manat təşkil edib.
Bankın öhdəlikləri 212,1 milyon manat (13% az), o cümlədən depozit portfeli 108,6 milyon manat (15,4% az), balans kapitalı isə 111,9 milyon manat (6,8% çox), o cümlədən nizamnamə kapitalı 315,8 milyon manat (dəyişməyib) olub.
