Kazino kralı kimi tanınan Şəkili Yusifin (Yusif Baqiyev) "sağ əli" kimi tanınan Əhmədli Pərviz saxlanılıb.
Yurd.Media-nın əldə etdiyi məlumata görə, Məmmədov Pərviz Abgül oğlu cinayət məsuliyyətindən boyun qaçıraraq 4 ay gizləndikdən sonra Korrupsiyaya qarşı Mübarizə Baş İdarəsi tərəfindən saxlanılaraq istintaqa cəlb edilib.
Əhmədli PərvizQeyd edək ki, bu ilin fevral ayında Baş Prokuror yanında Korrupsiyaya qarşı Mübarizə Baş İdarəsi qumar oyunlarının təşkilinə qarşı əməliyyatla ölkədə “qumar kralı” kimi tanınan Yusif Baqiyev (Şəkili) saxlanılıb.
Ona qarşı ilkin olaraq Cinayət Məcəlləsinin 193-1.3.1 (cinayət yolu ilə əldə edilmiş xeyli miqdarda pul vəsaitlərini leqallaşdırma-mütəşəkkil dəstə halında birləşməklə törədildikdə) və 244-1.4-cü (qumar oyunlarını təşkil etmə və keçirmə-xüsusilə külli miqdarda gəlir əldə etməklə ) maddələri ilə ittiham elan edilib.
Şəkili YusifBu maddələrin sanksiyasında 12 ilə kimi azadlıqdan məhrum etmə cəzası nəzərdə tutulur.
Şəkili Yusif kimi tanınan Yusif Baqiyevin adı mediada tez-tez hallanır. Onun Bakıda yerləşən iaşə obyektlərində qanunsuz qumar oyunları təşkil etdiyi deyilir.
