Azərbaycanda “e-müqavilə” altsisteminə qoşulmaların sayı açıqlanıb

Bu ilin I yarısında Azərbaycanda 872 satınalan təşkilat və 1487 təchizatçı “Rəqəmsal dövlət maliyyəsi” informasiya sisteminin “e-müqavilə” altsisteminə qoşulub.

Bu barədə Yurd.Media-ya Maliyyə Nazirliyindən bildirilib.

Məlumata görə, yanvar-iyun aylarında altsistem vasitəsilə ümumi dəyəri 1 milyard manatdan çox olan 2 400-dən çox müqavilə bağlanılıb. Onların 45,4%-i xidmət göstərilməsi, 40,2%-i mal satin alınması, 14,4%-i isə iş görülməsi ilə bağlı olub.