Azərbaycan Premyer Liqasının XXVIII turunda daha 2 oyun keçirilib.
Yurd.Media xəbər verir ki, ilk görüşdə “Kəpəz” və “İmişli” komandaları üz-üzə gəlib.
Yevlax şəhər stadionunda keçirilən görüş İmişli təmsilçisinin minimal hesablı qələbəsi ilə yekunlaşıb - 1:0.
Kamal Umudlunun idarə etdiyi görüşdə yeganə qolu 38-ci dəqiqədə Azər Salahlı vurub.
Beləliklə, Jorj Kaşkilyanın komandası xallarını 29-a çatdıraraq ən yaxın rəqibi "Şamaxı" ilə xal fərqini 3-ə endirib.
Gəncə təmsilçisi isə 21 xalla 10-cu yerdə möhkəmlənib.
Turun son matçında "Sumqayıt" "Qəbələ"ni sınağa çəkib.
Mehdi Hüseynov adına Sumqayıt şəhər stadionunda keçirilən qarşılaşma ev sahibinin qələbəsi ilə yekunlaşıb - 1:0.
Görüşdə hesabı 19-cu dəqiqədə Höccət Haqverdiyev açıb.
Beləliklə, Saşa İliçin rəhbərlik etdiyi kollektiv çempionatda 9 oyunluq qələbəsizlik seriyasına son qoyub.
