Qazaxda 3 nəfərin xəsarət alması ilə nəticələnən yol-nəqliyyat hadisəsi baş verib.
Yurd.Media xəbər verir ki, hadisə rayonun Qırmızı-Körpü adlan ərazisində qeydə alınıb. Tovuz rayon sakini 1984-cü il təvəllüdü T.Abdıyev idarə etdiyi VAZ 2107 markalı minik maşını ilə hərəkət olan zaman avtomobil idarəetmədən çıxıb. Zərbənin təsirindən minik maşını yol kənarındakı yol nişanına çırpılıb. Nəticədə sürücü həmçinin avtomobildə olan sərnişinlər İran İslam Respublikasının vətəndaşı 1992-ci il təvəllüdlü H.Gallehban və 1984-cü il təvəllüdlü A.Sayeban xəsarət alıblar. Yaralılar dərhal xəstəxanaya yerləşdirilib, onların vəziyyətlərinin orta ağır olduğu bildirilir.
Hadisə yerinə DYP əməkdaşları cəlb edilib.
Faktla bağlı araşdırma aparılır.
