Gəncədə körpə ölümü qeydə alınıb.
TƏBİB-dən Yurd.Media-ya bildirilib ki, bugün səhər saatlarında 2023-cü il təvəllüdlü oğlan uşağı Gəncə Şəhər Birləşmiş Xəstəxanasının nəzdində olan Uşaq Xəstəxanasının Təcili tibbi yardım şöbəsinə hospitalizasiya olunub.
Ona dəqiqləşdirilməmiş sepsis və dəqiqləşdirilməmiş ağciyər çatışmazlığı diaqnozu təyin olunub və müalicəsi Reanimasiya şöbəsində davam etdirilib.
Göstərilən zəruri reanimasiya tədbirlərinə və həkimlərin çoxsaylı səylərinə baxmayaraq, körpənin ölüm faktı qeydə alınıb.
