Cəlilabad rayonunun Zopun kəndi istiqamətində dağlıq ərazidə yanğın baş verməsi barədə Fövqəladə Hallar Nazirliyinin “112” qaynar telefon xəttinə məlumat daxil olub və dərhal əraziyə Nazirliyin qüvvələri cəlb olunub.
Yurd.Media xəbər verir ki, bu barədə FHN-dən məlumat verilib.
Bildirilib ki, yanğının daha geniş sahəyə yayılmasının qarşısını almaq və söndürülməsi işlərini sürətləndirmək məqsədilə əraziyə Aviasiya dəstəsinin iki ədəd helikopteri, Dövlət Yanğından Mühafizə Xidməti və Xüsusi Riskli Xilasetmə Xidmətinin qüvvələri cəlb olunub.
Hazırda yanğınla mübarizə tədbirləri davam edir.
*** 17:35
Cəlilabadda meşədəki yanğın nəticəsində bir nəfər tüstüdən zəhərlənib.
Yurd.Media "Report"a istinadən xəbər verir ki, bu, 1976-cı il təvəllüdlü meşə təsərrüfatının əməkdaşı Qəni Nəzirovdur.
Əraziyə təcili tibbi yardım briqadası cəlb olunub.
Hazırda yanğın davam edir.
***16:25
Cəlilabad rayonunun Zopun kəndi istiqamətində dağlıq ərazidə yanğın başlayıb.
Yurd.Media xəbər verir ki, bu barədə FHN Mətbuat xidməti məlumat yayıb.
Bildirilib ki, əraziyə FHN-in Dövlət Yanğından Mühafizə Xidmətinin qüvvələri cəlb olunub.
Hazırda yanğının yayılmasının qarşısının alınması və söndürülməsi istiqamətində zəruri və təxirəsalınmaz tədbirlər davam etdirilir.
Hava şəraitinin küləkli olması yanğın söndürmə işlərində çətinliklər yaradır.
Əlavə məlumat veriləcək.
