"Azərbaycana qızıllar Türkiyə bazarından gəlir. Ölkəyə Suriyadan qızıl gəlmir. Yeni qızılların sertifikatı olur, köhnələrində yox".
Yurd.Media xəbər verir ki, bunu "Xəzər Xəbər" ə açıqlamasında qızıl satıcıları bildiriblər.
Zərgərlər Assosiasiyasının sədr müavini Rövşən Əmircanov deyib ki, Azərbaycan bazarlarına Türkiyə, Rusiya, İtaliyadan qızıl idxal olunur:
"Yerli emalatxanalardan istehsal olunan qızıllarda daha aşağı əyar görə bilirik. Saxtakarlıq halları qızıl-gümüşdə yox, qiymətli daşlarda müşahidə olunur. Bu cür daşları mağazalardan alarkən sertifikat və keyfiyyət parametrlərini tələb etmək lazımdır", - sədr müavini əlavə edib.
