Gələn həftə Yevlaxda güzəştli mənzillərin satışı həyata keçiriləcək.
Yurd.Media xəbər verir ki, Mənzil İnşaatı Dövlət Agentliyinin (MİDA) Yevlax Yaşayış Kompleksi üzrə 179 mənzilin satışı 3 dekabr saat 11:00-da başlayacaq və 8 dekabr 11:00-da başa çatacaq.
Satış prosesi "Güzəştli mənzillərin satışına dair qaydalar"a uyğun şəkildə aparılacaq: "Qaydaların 5.6-cı bəndinə əsasən, mənzilin dəyərinin ipoteka krediti hesabına ödənilməsi yalnız ilkin razılıq alınaraq elektron kabinetdə təsdiqlənməsindən sonra mümkündür".
Yevlax Yaşayış Kompleksində mənzillərin qiymətləri aşağıdakı kimi olacaq:
1 otaqlı mənzil – 40 200 manat,
2 otaqlı mənzil – 45 225 manat,
3 otaqlı mənzil – 70 490 manat,
4 otaqlı mənzil – 103 740 manat.
Satış prosesi tam elektron qaydada və şəffaf mexanizm əsasında aparılacaq. //Report
