Bakının Sabunçu rayonu, Zabrat-2 qəsəbəsində yerləşən qəbiristanlıq baxımsız hala düşüb.
Yurd.Media xəbər verir ki, ərazidəki qamışlar qəbirlərin üzərini örtüb və qəbiristanlıq artıq ziyarətolunmaz vəziyyətə düşüb.
Həmçinin ərazidə gölməçə də yaranıb. 40 mindən çox məzara məkan olan qəbiristanlıq uzun müddətdir, gözdən iraq, təmizlikdən uzaqdır.
Sakinlərin sözlərinə görə, onlar yaxınlarını ziyarət edə bilmirlər, əsas problem qəbiristanlıqdakı gölməçənin qəbirləri suya qərq etməsidir.
Məsələ ilə bağlı Zabrat Bələdiyyəsinin sədr müavini Hikmət Alıyev AzTV-yə bildirib ki, yaxın zamanda bura maliyyə ayrılsa, məsələ həllini tapa biləcək.
