Bakıda bu muzeyin giriş qiyməti 50% endirildi

Bakıda daha bir muzeydə yeni tariflər tətbiq olunmağa başladı.

"Azərbaycan Dəmir Yolları" QSC-dən (ADY) Yurd.Media-ya bildirilib ki, Dəmiryol Muzeyinə giriş qiymətləri ucuzlaşıb.

Məlumata görə, yeni tarifə əsasən, muzeyə giriş böyüklər üçün 50% endirimlə 5 AZN, məktəblilər üçün isə cəmi 2 AZN-dir.

"Bundan başqa, 65 və daha yuxarı yaşlı təqaüdçülər üçün muzeyə giriş artıq pulsuzdur.

Qiymətsiz təcrübəni daha sərfəli qiymətə əldə etmək üçün dəmiryol muzeyini ziyarətə tələsin", - məlumatda vurğulanıb.