Bakı-Qazax sürət qatarında nasazlıq yarandı: 1 saatlıq gecikmə ilə çatacaq

Azərbaycan Dəmir Yollarının Bakı-Qazax istiqamətində hərəkət edən sürət qatarında yaranmış texniki nasazlıq səbəbindən gecikmə qeydə alınıb.

Yurd.Media xəbər verir ki, nasazlıqla əlaqədar qatarın Gəncə Dəmiryolu Vağzalına nəzərdə tutulan vaxtdan təxminən 1 saat sonra çatıb.

Hazırda qatarın hərəkətinin davam etdiyi və gecikmənin texniki nasazlıqla əlaqədar olduğu qeyd olunur.

Qeyd edək ki, Bakı–Qazax–Bakı istiqamətində qatar reysləri gündəlik həyata keçirilir.