Dövlət Gömrük Komitəsi bu ilin iyun ayından bəri onun xətti ilə dövlət büdcəsinə daxil olmuş vəsaitlərin strukturunu açıqlamır.
Yurd.Media xəbər verir ki, Komitənin internet səhifəsində sonuncu dəfə may ayının göstəriciləri yerləşdirilib.
Baxmayaraq ki, Maliyyə Nazirliyi hər ay Komitənin xətti ilə büdcəyə daxilolmaların ümumi məbləğini elan edir. Məsələn, bu ilin yanvar-sentyabr aylarında Komitə büdcəyə 4 748 milyon manat vəsait köçürüb. Bu, ötən ilin eyni dövrü ilə müqayisədə 3,7%, proqnozdan isə 1,6% azdır.
