"PAŞA Bank" bu ilin əvvəlindən bəri dividend ödəmələri üzrə planlaşdırılan məbləği 17 faiz azaldıb.
Yurd.Media xəbər verir ki, "PAŞA Bank" ASC-nin İdarə Heyətinin İdarə Heyətinin üzvü, Baş Maliyyə İnzibatçısı Murad Süleymanov bugün keçirilən mətbuat konfransında bildirib ki, “PAŞA Bank” 2025-ci ili 190 milyon 271 min manat xalis mənfəət ilə başa vururb:
"İyun ayının 2-ci yarısında Səhmdarların ümumi yığıncağı keçiriləcək. 2025-ci ilin nəticələri üzrə 107 milyon manat dividend elan ediləcəyi barədə qərar qəbul olunacağını gözləyirik",- o qeyd edib.
Baş Maliyyə İnzibatçısı vurğulayıb ki, "PAŞA Bank" xalis mənfəətinin 35-40 faizini səhmdarlarına dividend olaraq ödəyə biləcəyini elan etsə də, adətən xalis mənfəətinin 60%-dək məbləği dvidend olaraq bölüşdürür.
Xatırladaq ki, M. Süleymanov bu ilin fevral ayında bildirmişdi ki, Bank bu il səhmdarlarına 129 milyon manat dividend ödəməyi planlaşdırır.
Nəticədə, 3 ay keçəndən sonra səsləndirilən rəqəm əvvəl bəyan olunandan 22 milyon manat azdır.
"PAŞA Bank" Baş Maliyyə İnzibatçısı Murad Süleymanov
