Şəmkirdə marixuana və heroin kuryerliyi ilə məşğul olan şəxs ələ keçirilib.
Yurd.Media xəbər verir ki, Şəmkir Rayon Polis Şöbəsinin əməkdaşlarının keçirdikləri tədbirlərlə narkotiklərin qanunsuz dövriyyəsində şübhəli bilinən əvvəllər məhkum olunmuş 35 yaşlı Azər Mustafayev saxlanılıb. Həmin şəxsdən 15 kiloqram marixuana və 4 kiloqram heroin aşkarlanıb. Saxlanılan şəxs ifadəsində əldə etdiyi narkotikləri müxtəlif ünvanlara çatdırmaq məqsədi ilə əldə etdiyini bildirib.
Faktla bağlı cinayət işi başlanılıb. A. Mustafayev barəsində məhkəmənin qərarı ilə həbs qətimkan tədbiri seçilib.
