Azərbaycan avtomobil istehsalını kəskin azaldıb

2025-ci ildə Azərbaycanda 4 038 ədəd minik avtomobil istehsal olunub.

Bu barədə Yurd.Media-ya Dövlət Statistika Komitəsindən bildirilib.

Məlumata görə, bu, 2024-cü illə müqayisədə 32,7% azdır.

İstehsalın kəskin azalması Çindən ölkəyə minik avtomobili idxalının sürətlə artması fonunda baş verib.

Rəqabətin güclənməsi ilə Hacıqabul Sənaye Məhəlləsində yığılan minik avtomobillərinin qiyməti 21-22,5 min manata endirilib, halbuki əvvəllər bu maşınları 25 min manatdan ucuz almaq mümkün deyildi.