Azərbaycan Nəqliyyat və Kommunikasiya Holdinqinin (AZCON) nəzarətində olan iki qurum arasında borc müqaviləsi bağlanıb.
Yurd.Media "Report"a istinadən xəbər verir ki, "Bakı Gəmiqayırma Zavodu" MMC "Azərbaycan Hava Yolları" QSC-dən (AZAL) 5 milyon ABŞ dolları faizsiz borc alıb.
Tərəflər arasında bununla bağlı müqavilə dekabrın 8-də imzalanıb.
Müqaviləyə əsasən, borc dekabrın 15-də verilib və 31 yanvar 2028-ci ilə qədər tam şəkildə qaytarılmalıdır.
Xatırladaq ki, hər iki müəssisə Azərbaycan Nəqliyyat və Kommunikasiya Holdinqinin (AZCON) nəzarətindədir və borcun verilməsi onların əlaqəli tərəflər olması çərçivəsində baş tutub.
