Ötən həftənin sonu Qubada Qəçreş yolunda təhlükəli vəziyyətin yaranması ilə bağlı görüntülər yayılmışdı.
Məsələ ilə bağlı Quba rayon İcra Hakimiyyətindən Yurd.Media-ya bildirilib ki, Quba-İspik-Xınalıq yolunun 7-ci kilometrliyində, yağıntıların təsirindən yaranan torpaq sürüşmələrinin qarşısının alınması üçün təkliflər Avtomobil Yolları Dövlət Agentliyinə təqdim edilib:
"Cari ilin mart və aprel aylarında rayon ərazisinə yağan güclü və intensiv yağışlar nəticəsində yolda hərəkət məhdudlaşdıqdan sonra Azərbaycan Avtomobil Yolları Dövlət Agentliyi tərəfindən zəruri addımlar atılaraq, avtomobillərin hərəkəti təmin edilmişdir", - məlumatda deyilir.
