Ağdam klubu yenə Niderland "Tvente"si ilə qarşılaşa bilər.
Yurd.Media xəbər verir ki, "Qarabağ"ın UEFA Konfrans Liqasının pley-off mərhələsindəki potensial rəqibləri müəyyənləşib.
Püşkatma mərasimi İsveçrənin Nyon şəhərində baş tutub.
Ağdam klubu turnirin III təsnifat mərhələsində Ukrayna təmsilçisi "Dinamo"nu (Kiyev) mübarizədən kənarlaşdıracağı təqdirdə, "Tvente" (Niderland) – DAK 1904 (Slovakiya) cütünün qalibi ilə qarşılaşacaq.
Qeyd edək ki, qitənin üçüncü dərəcəli klub turnirində pley-off mərhələsinin ilk oyunları avqustun 20-də, cavab matçları isə 27-də baş tutacaq.
Xatırladaq ki, bundan əvvəl dəfələrlə "Qarabağ" Avrokuboklarda "Tvente" ilə qarşılaşıb.
