Qaradağda "Kontakt Home"un anbarının söndürülməsinə helikopterlər 150 ton su aıblar.
Fövqəladə Hallar Nazirliyindən Yurd.Media-ya bildirilib ki, Qaradağ rayonu, Lökbatan qəsəbəsində yerləşən anbarda baş vermiş yanğının tam söndürülməsi istiqamətində zəruri və təxirəsalınmaz tədbirlər davam etdirilir.
Məlumata görə, hazırkı vaxtadək helikopterlər 60 atış, 150 ton su istifadə edilib.
Baş vermiş yanğın mürəkkəbliyinə və havanın küləkli olmasına baxmayaraq, daha geniş sahəyə yayılmasının qarşısı alınaraq nəzarətə götürülüb.
Hazırda yanğının tam söndürülməsi istiqamətində əməliyyat davam etdirilir.
Qeyd edək ki, bu gün səhər saatlarında Lökbatan qəsəbəsində yerləşən anbarda baş verən alovun söndürülməsi üçün Fövqəladə Hallar Nazirliyinin 182 nəfər şəxsi heyəti, 40 xüsusi təyinatlı texnikası və 2 helikopter cəlb olunub. Yanğın "Kontakt Home"un anbarında baş verib
Qaradağda "Kontakt Home"un anbarı belə söndürüldü - VİDEO
