Bank olmayan Kredit Təşkilatı” müştəriyə neçə faizlə kredit ayırıb? – MƏHKƏMƏ İŞİ
“SF Azerbaijan Bank olmayan Kredit Təşkilatı” (BOKT) Məhdud Məsuliyyətli Cəmiyyəti (MMC) müştərisini məhkəməyə verib.
Yurd.Media-nın əldə etdiyi məlumata görə, BOKT cavabdehdən 600 manat əsas, 30 manat faiz, 87 manat komissiya və 178 manat cərimə borcu olmaqla, ümumilikdə 895 manat borcun tutulmasını tələb edib.
Belə ki, “SF Azerbaijan" ilə cavabdeh arasında bağlanmış mikrokredit müqaviləsinə əsasən cavabdehə 30 gün müddətinə illik 60 faizlə kredit ayrılıb. Lakin, cavabdeh müqavilənin şərtini pozaraq krediti vaxtında ödəməyib.
Binəqədi Rayon Məhkəməsi iddiaçının iddia ərizəsinin təmin olunması barədə qətnamə çıxarıb. Cavabdehdən yalnız cərimə borcu kimi qeyd olunan 178 manat əvəzinə 30 manat alınması güzəşti olunub, ümumilikdə 747 manatı “SF Azerbaijan"a verilməsi barədə qətnamə qəbul edilib.
Qeyd edək ki, “SF Azerbaijan” BOKT 2021-ci ildə 300 000 manat nizamnamə kapitalı ilə Latviyanın Riqa şəhərində qeydiyyatda olan “Sun Finance Central Asia, AS” tərəfindən yaradılıb.
