Sabirabadda Kürün səviyyəsi artdı: Bəzi əraziləri su basdı - VİDEO

Sabirabad rayonunda yağan intensiv leysan yağışları nəticəsində Kür çayının səviyyəsi qalxıb.

Yurd.Media xəbər verir ki, rayonun Həşimxanlı və Ətcələr kəndləri ərazisində yerləşən yulğunluq sahələri su altında qalıb.

Bəzi yerlərdə salınan yaşıllıqlar da subasmaya məruz qalıb.

Hazırda fərdi yaşayış evlərinə hər hansı bir təhlükə yoxdur. Lakin vəziyyətin necə dəyişəcəyi yaxın günlərdə yağıntının davam etməsindən asılı olacaq.