Qazaxın Şıxlı kəndinə güclü dolu yağıb.
Yurd.Media xəbər verir ki, gecə saatlarında rayon ərazisində yağışlı hava şəraiti müşahidə olunub.
Rayonun Gürcüstanla sərhəd ərazisinə isə bir müddət güclü dolu yağıb.
Bir neçə dəqiqə davam edən dolu nəqliyyat vasitələrinin hərəkətində qismən çətinliklər yaradıb.
Qazax rayon İcra Hakimiyyətindən Yurd.Medi-nın bölgə müxbirinə bildirilib ki, hava şəraiti səbəbindən fəsadlar qeydə alınmayıb.
Qeyd edək ki, Qərb bölgəsinin bəzi rayonlarında yağıntılı hava şəraiti davam edir.
