Azərbaycanda eyni şəxsə məxsus 5 şirkət bağlanır

Azərbaycanda eyni şəxsə məxsus "NB Duty Free", "NB Hospital", "NB Trans", "NB Net" və "NB Energy" MMC-lər ləğv olunur. 

Bu barədə İqtisadiyyat Nazirliyi yanında Dövlət Vergi Xidmətinin "Vergilər" qəzetində elan verilib. 

Elanda deyilir ki, kreditorlar iki ay ərzində tələblərini Bakı şəhəri, Nəsimi rayonu, Səməd Vurğun küçəsi, 53 ünvanına bildirə bilərlər.

Bağlanan şirkətlər “NB Group” ASC-yə daxildir. Bu holdinq də qeyd olunan ünvanda (“World Business Center" iş mərkəzi) yerləşir.