Yerli icra strukturlarının forması dəyişsə də, sistem işləməsə nəticə olmayacaq.
Bunu Ağ Partiya sədri Tural Abbaslı Yurd.Media-nın baş redaktoru Murad Əliyevin təqdimatında “Yurddaş” verilişində müsahibəsində bölgələrdə icra hakimiyyətlərinin ləğvi və bütün səlahiyyətlərin nümayəndəliklərə ötürülməsi ilə bağlı məsələyə münasibət bildirərkən deyib.
Onun sözlərinə görə, vəzifələrin adları dəyişə bilər, amma icra başçılarının funksiyaları əsasən eyni qalacaq:
"Əgər sistem düzgün işləməsə, heç bir dəyişiklik baş verməyəcək. Misal üçün “Facebook” şirkətinin “Meta” adını alması istifadəçilərdə heç bir fərq yaratmadı, səbəb isə sistemin əvvəlki qaydada işləməsi idi. Bizdə isə sistemi işə salmaq istəmirlər” – deyə o bildirib.
