Qarabağ və Şərqi Zəngəzurun ilk regional radio kanalı - CBC FM 5 yaşında

Qarabağ və Şərqi Zəngəzurun ilk regional radio kanalı - CBC FM bu gün 5 yaşını qeyd edir.

8 may 2021-ci ildə Azərbaycanın mədəni paytaxtında "Diqqət! Danışır Şuşa!" sədaları eşidildi. 

CBC FM Azərbaycan, rus və erməni dillərində yayımlanır. Bu müddət ərzində yerli və
xarici aparıcı ekspertlərlə yüzlərlə müsahibə, minlərlə saat canlı yayım dinləyicilərə təqdim olunub. 

CBC FM-in efiri təkcə siyasət və iqtisadiyyat xəbərləri ilə məhdudlaşmır. 102.7 FM dalğasında müxtəlif məzmunlu, o cümlədən şəhidlərimiz və qazilərimiz haqqında, tariximiz, mədəni irsimiz, ədəbiyyatımız, tibb sahəsində əldə olunan nailiyyətlərlə bağlı verilişləri də dinləyicilərə təqdim olunur. 

CBC FM obyektivlik və peşəkarlıq prinsiplərinə sadiq qalaraq işini davam edir. Bundan sonra da 102.7 FM dinləyicilərini yeni layihələr, maraqlı verilişlər və dəqiq xəbərlər gözləyir!

Yurd.Media saytının bütün kollektivi adından "CBC FM"də çalışan həmkarlarımızı təbrik edir, onlara fəaliyyətlərində uğurlar arzulayırıq!

Qarabağ və Şərqi Zəngəzurun ilk regional radio kanalı - CBC FM 5 yaşında