Gəncə şəhərində yağan leysan xarakterli yağış bəzi ərazilərdə çətinliklər yaradıb.
Yurd.Media xəbər verir ki, şəhərin Məhsəti, Sadıllı və Yeni Gəncə qəsəbələrində, eləcə də digər bəzi ərazilərdə yağış sularının yığılması nəqliyyatın və piyadaların hərəkətini çətinləşdirib.
Güclü yağış nəticəsində yaranan gölməçələr səbəbindən avtomobillərin hərəkətində problemlər yaşanıb, vətəndaşlar isə ərazidən axan sel sularına görə çətin vəziyyətlə üzləşiblər.
Qeyd edək ki, oxşar vəziyyət Gəncə şəhərinin əsas ticarət məkanlarından biri olan və “Sərçə bazarı” kimi tanınan ərazidə də müşahidə olunub.
