Bakıda “Euronews Academy” və Azərbaycan Medianın İnkişafı Agentliyinin (MEDİA) birgə əməkdaşlığı çərçivəsində “TV və canlı jurnalistika” mövzusunda beynəlxalq təlim proqramı başlayıb.
Yurd.Media xəbər verir ki, dörd gün davam edəcək proqram Bakı Dövlət Universitetinin nəzdindəki xüsusi auditoriyasında keçirilir. Təlim televiziya jurnalistikasında peşəkar bacarıqların artırılması və canlı efir təcrübələrinin təkmilləşdirilməsini hədəfləyir.
Proqram iki təcrübəli “Euronews” təlimçisi — Bojan Brkiç və Sergio Cantonun rəhbərliyi ilə aparılır. Onlar iştirakçılara canlı yayımlarda dəqiqlik, emosional balans və tamaşaçı ilə birbaşa ünsiyyət kimi əsas prinsipləri öyrədirlər.
Təlim noyabrın 14-dək davam edəcək.
