Digah qəsəbəsində əsas yolda dayanacaq və piyadalar keçidinin olmaması əhali üçün ciddi təhlükəyə çevrilib.
Yurd.Media xəbər veriri ki, Abşeron rayonunun Digah qəsəbəsinin sakinləri "Baku TV"yə bildiriblər ki, Balaxanı-Binəqədi şosesi boyunca yerləşən ərazidə yolu keçmək çox çətindir:
"Keçən dəfə burada qonşunun uşağını maşın vurdu. Sürət həddinə əməl edən yoxdur. Daim təhlükə altındayıq. Xahiş edirik, sürət həddi aşağı endirilsin və bu əraziyə kamera quraşdırılsın. Vəziyyət, həqiqətən, çox acınacaqlıdır", - deyə sakinlərdən biri bildirib.
